1 જુલાઈથી MSME શરુ કરવા માટે ઓનલાઇન રજીસ્ટ્રેશન કરવું પડશે, સરકારે જાહેર કરી સૂચના

1 જુલાઈથી ઓનલાઇન રજીસ્ટ્રેશન કરીને શરુ કરો MSME , જાણો તેનાથી જોડાયેલી સૂચનાઓ

એક જુલાઈથી એમએસએમઈ (MSME) ની પરિભાષા બદલવાની સાથે જ માઈક્રો, સ્મોલ અને મીડીયમ એન્ટરપ્રાઇઝ (એમએસએમઈ) ની સ્થાપના માટે રજીસ્ટ્રેશન પ્રક્રિયા શરૂ કરવામાં આવી રહી છે. આ સંબંધમાં એમએસએમઈ મંત્રાલય તરફથી ઉદ્યમ રજીસ્ટ્રેશનના નામથી ખાસ સૂચના(નોટિફિકેશન) જાહેર કરી છે.

નોટિફિકેશન અનુસાર કોઈ પણ વ્યક્તિ માઈક્રો, સ્મોલ અથવા મીડીયમ એન્ટરપ્રાઇઝ સ્થાપિત કરવા ઈચ્છે છે, તો તે મંત્રાલયના ઉદ્યમ રજીસ્ટ્રેશન પોર્ટલ પર ઓનલાઇન ઉદ્યમ રજીસ્ટ્રેશન કરી શકે છે. રજીસ્ટ્રેશનની પ્રક્રિયા સંપૂર્ણ રીતે સ્વઘોષિત અને સ્વ પ્રમાણિત હશે.

રજીસ્ટ્રેશન દરમિયાન કોઈ પણ પ્રકારનું કોઈ દસ્તાવેજ અપલોડ નહિ કરવું પડે. ફક્ત ઉદ્યમ રજીસ્ટ્રેશન પોર્ટલ પર આપવામાં આવેલું ફોર્મ ભરવું પડશે. રજીસ્ટ્રેશન માટે કોઈ ફી લેવામાં નહિ આવે, પણ આધાર નંબર હોવો જરૂરી છે. રજીસ્ટ્રેશન પછી ઉદ્યમીને સ્થાનિક રૂપથી એક ઉદ્યમ રજીસ્ટ્રેશન નંબર આપવામાં આવશે. રજીસ્ટ્રેશનની પ્રક્રિયા સંપૂર્ણ થતા જ ઉદ્યમ રજીસ્ટ્રેશનનું ઈ-સર્ટિફિકેટ જાહેર કરવામાં આવશે.

નોટિફિકેશન અનુસાર ઉદ્યમ રજીસ્ટ્રેશન મળવા પર એન્ટરપ્રાઇઝ ગયા વર્ષનું જીએસટી રિટર્ન અને આઈટીઆરની વિસ્તૃત જાણકારી ઓનલાઇન પોર્ટલ પર નાખશે. તેના આધાર પર એન્ટરપ્રાઇઝની શ્રેણીનું વર્ગીકરણ આપમેળે થઈ જશે. એટલે કે, તે એન્ટરપ્રાઇઝ માઈક્રો શ્રેણીનું છે અથવા સ્મોલ અથવા મીડીયમ, તેનું સ્પષ્ટીકરણ થઈ જશે.

નોટિફિકેશન અનુસાર, જો કોઈ એન્ટરપ્રાઇઝ તરફથી મશીનરીમાં નવું રોકાણ અથવા તેના ટર્નઓવરમાં વધારો થવાથી તેની શ્રેણી બદલાય છે, તો પણ તે વર્ષમાં તેમણે પોતાની જૂની શ્રેણીમાં રહેવું પડશે. તેના પછીના વર્ષે તેની શ્રેણી બદલાશે. એક જુલાઈએ મશીનરીમાં રોકાણ અને ટર્નઓવરના આધાર પર એમએસએમઈની પરિભાષા નક્કી થશે.

મશીનરીમાં 1 કરોડથી ઓછા રોકાણ અને 5 કરોડથી ઓછા ટર્નઓવરવાળા એન્ટરપ્રાઇઝ માઈક્રો શ્રેણીમાં આવશે. મશીનરીમાં 10 કરોડ સુધીના રોકાણ અને 50 કરોડ સુધીના ટર્નઓવરવાળા એન્ટરપ્રાઇઝ સ્મોલ શ્રેણીમાં આવશે. તો મશીનરીમાં 50 કરોડ સુધીના રોકાણ અને 250 કરોડ સુધીના ટર્નઓવરવાળા મીડીયમ એન્ટરપ્રાઇઝની શ્રેણીમાં આવશે.

નોટિફિકેશન અનુસાર નવા એન્ટરપ્રાઇઝ જેમની પાસે કોઈ આઈટીઆર નથી, તેમના પ્રમોટર સ્વ ઘોષણાના આધાર પર રોકાણની જાણકારી આપી શકે છે. પણ 1 વર્ષ પછી આઈટીઆર ઉપલબ્ધ થતા જ તેના આધાર પર શ્રેણી નક્કી થશે.

એમએસએમઈ મંત્રાલય તરફથી પહેલા જ ઉદ્યમીઓના રજીસ્ટ્રેશનની વ્યવસ્થા છે, અને ઓનલાઇન ઉદ્યોગ આધાર મેમોરેંડમ (યૂએએમ) ભરવા પર ઉદ્યમીઓને ઉદ્યોગ આધાર નંબર જાહેર કરવામાં આવી શકે છે. નોટિફિકેશન અનુસાર જે ઉદ્યમીઓએ યૂએએમ પર પોતાનું રજીસ્ટ્રેશન કરાવ્યું છે, તેમણે ફરીથી નવા પોર્ટલ પર પોતાનું રજીસ્ટ્રેશન કરાવવું પડશે.

એમએસએમઈ વિશેષજ્ઞો અનુસાર રજીસ્ટ્રેશન કરાવવાનો સૌથી મોટો ફાયદો એ છે કે, રજીસ્ટર્ડ એમએસએમઈ સરકારની સ્કીમનો લાભ લઈ શકે છે.

આ માહિતી જાગરણ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.