10 કરોડમાં બસ ને બનાવી દીધું ઘર, તે ઘરમાં કાર માટે પાર્કિંગ, અંદર રસોડું બધું જ છે

આવી એક બસ જે બિલકુલ તમારા ઘર જેવી છે. એટલું જ નહી તેમાં પાર્કિંગ માટે પાર્કિંગની પણ વ્યવસ્થા હોય. લગ્જરી મોટરહોમ બનાવનારી કંપની વોકનર મોબિલએ એવી એક બસ બનાવી છે, જેમાં રહેવા-જમવાની સંપૂર્ણ વ્યવસ્થા સાથે જ તમારી ખુબ કિંમતી કાર પણ પાર્ક થઇ જશે અને કોઈ જોઈ પણ નહી શકે.

આ મોટરહોમ એવા લોકો માટે તૈયાર કર્યું છે, જે વીકેંડ મનાવવા માટે શહેરથી દુર જવાનું પસંદ કરે છે અને સાથે જ ત્યાં નાની મોટી મુસાફરી ઉપર જાય છે. આ બસની કિંમત 10 કરોડ રૂપિયા (12 લાખ પાઉન્ડ) થી વધુ છે. આ બસમાં ન માત્ર સુવાની પુરતી જગ્યા છે, પણ આધુનિક સુવિધાઓ થી સુસજ્જ રસોડું અને બાથરૂમ પણ છે. 40 ફૂટ લાંબી આ બસમાં કારને પાર્કિંગ કરવા માટે એક વિશેષ ઇલેક્ટ્રોહાઈડ્રોલિક લીફ્ટ લાગેલી છે, જે કારને સૌથી નીચેની તરફ પાર્ક કરી લે છે.

આ જર્મન કંપનીના નિર્દેશક સ્ટીફૈન વોકનર મુજબ, વધુ પ્રમાણમાં મોટરહોમમાં લગ્જરી સુવિધાઓ વાળુ રસોડું નથી મળતું, પણ આ બસમાં તે ખામી પણ પૂરી કરી લેવામાં આવી છે. તેને ચાલતું ઘર કહેવામાં આવે તો અતિશયોક્તિ નહી ગણાય. વોક્નર જણાવે છે કે અમારી મોટા ભાગના ગ્રાહક મોટી કંપનીઓ છે. તે પોતે તે નક્કી કરવા માંગે છે કે તેઓ યાત્રા ક્યારે શરુ કરશે, ક્યાં જશે અને મુશ્કેલ સ્થિતિ ઉભી થાય તો ક્યારે પાછા ફરશે. તે પોતાનું ચોક્કસ સ્થળ ઈચ્છે છે. આ બધી જરૂરીયાતોને ધ્યાનમાં રાખીને આ કારને બસમાં જ પાર્ક કરવાની વ્યવસ્થા કરવામાં આવી છે.