ધુમ્મસના કારણે ભટકાઈ 50 ગાડીઓ, 7નું થયું મૃત્યુ, જુઓ વિડિઓ

ઉત્તર ભારતમાં જબરદસ્ત ઠંડી સાથે પડી રહેલા ધુમ્મસની અસર દેખાઈ રહી છે. હરિયાણાના ઝજ્જરમાં સોમવારે મોટો માર્ગ અકસ્માત થયો અને એમાં 7 લોકોનું મૃત્યુ થયું છે.

રાજધાની દિલ્લી સહીત આખા ઉત્તર ભારતમાં જબરજસ્ત ઠંડીની સાથે સાથે ધુમ્મસ પડી રહ્યો છે. ગાઢ ધુમ્મસને કારણે હરિયાણાના ઝજ્જરમાં સોમવારની સવારે એક મોટો અકસ્માત થયો છે. અહીં રોહતક-રેવાડી હાઇવે પર લગભગ 50 વાહન પરસ્પર અથડાયા હતા. આ અકસ્માતમાં 7 લોકોનું મૃત્યુ થયું છે, જયારે 12 કરતા વધારે લોકો ઘાયલ થયા છે. 7 મૃતકો માંથી 6 મહિલાઓ છે. આ અકસ્માત પછી લગભગ 2 કિલોમીટર લાંબો ટ્રાફિક જામ થયો હતો.

બધા ઘાયલોને રોહતકની જ હોસ્પિટલમાં દાખલ કરવામાં આવ્યા છે. અકસ્માત પછી હાઇવે પર બચાવ કાર્ય શરુ થઈ ગયું છે અને વાહનો હટાવવામાં આવી રહ્યા છે. આ અકસ્માત નેશનલ હાઈવે 71 પર થયો છે. જણાવી દઈએ કે સોમવારની સવારે દિલ્લી-એનસીઆરના તાપમાનમાં ઘણો ઘટાડો જોવા મળ્યો હતો. સવારે રાજધાનીનું તાપમાન 5 ડિગ્રી સુધી પહોંચી ગયું હતું. એના સિવાય સવાર સવારમાં ધુમ્મસને કારણે પણ લોકોએ ઘણી મુશ્કેલી સહન કરવી પડી હતી.

હવામાન વિભાગના જણાવ્યા અનુસાર, સોમવારે સવારે દિલ્લી, હરિયાણા, ઉત્તર પ્રદેશ અને પંજાબ ક્ષેત્રોમાં ઘણો ધુમ્મસ હતો. આ કારણે ઘણા વિસ્તારમાં વિઝિટિબિલિટી 500 મીટરથી પણ ઓછી માપવામાં આવી હતી. હવામાન વિભાગનું માનીએ તો આવનાર ઘણા દિવસો સુધી આવા જ ધુમ્મસનો સામનો કરવો પડી શકે છે.

ફક્ત ધુમ્મસ જ નહિ પણ દિલ્લી-એનસીઆરમાં એક વાર ફરી ધૂંધ (દૃષ્ટિની ઝાંખ) નો કેર જોવા મળી રહ્યો છે. રાજધાનીમાં ઠંડીની સાથે સાથે હવાની ગુણવત્તામાં ઘટાડો જોવા મળ્યો છે.

UP માં પણ થઈ હતી આવી જ ઘટના :

તમને જણાવી દઈએ કે હાલમાં શુક્રવારે પણ ઉત્તર પ્રદેશના બરેલીમાં ધુમ્મસને કારણે એક મોટો અકસ્માત થયો હતો. ઉત્તર પ્રદેશના બરેલીમાં ગયા શુક્રવારે એક કારની ટ્રક સાથે ટક્કર થઈ હતી, આ અકસ્માતમાં 4 લોકોનું મૃત્યુ થયું હતું. જયારે 3 લોકો ગંભીર રીતે ઘાયલ થયા હતા. છેલ્લા થોડા વર્ષોથી દર વર્ષે દિલ્લી અને આસપાસના ક્ષેત્રોમાં આવા કોઈને કોઈને નાના મોટા અકસ્માત થયા કરે છે. એની પાછળ મુખ્ય કારણ હવાનું પ્રદુષણ જ છે. જેના વિષે આપણે જાગૃત ન થયા તો હજુ વધારે ગંભીર પરિણામ ભોગવવા પડી શકે છે.

જો તમને આ લેખ પસંદ આવ્યો હોય તો આને લાઇક અને શેયર કરવાનું ભૂલતા નહિ. તમારો અભિપ્રાય અને તમારી પાસે કોઈ અન્ય જાણવા લાયક માહિતી હોય, તો તમે અમને જણાવી શકો છો. જેથી અમે એ માહિતી અમારા બીજા લેખમાં ઉમેરી લોકો સુધી પહોચાડી શકીએ. ફેસબુક ઉપર હેલ્થ, જાણવા જેવું, અજબ-ગજબ, હાલના બનાવ, બ્યુટી ટીપ્સ, મજેદાર જોક્સ, બોલીવુડ ગપ શપ, દેશ-વિદેશ, રાશિ ભવિષ્ય, ખેતીને લગતી માહિતી, રસોઈ, ટેકનોલોજી વગેરેની માહિતી મેળવવા માટે, ફેસબુક પર અમારા પેજ Gujarati Masti અને Gujju fan club ફોલો કરી અમારી સાથે જોડાયેલા રહો. અમે આવી જ રસપ્રદ અને ઉપયોગી માહિતી અને તમારા માટે લાવતા રહીશું. આભાર.

આ વિડિઓ એક વર્ષ જૂનો છે, પણ ધુમ્મસમાં એક્સીડંટ વખતે શું ધ્યાન રાખવું તે શીખવા મુક્યો છે :