દરેક વ્યક્તિ એ દરરોજ કરવા જોઈએ આ 5 કામ, આવુ કરવાથી આખો દિવસ મળે છે પ્રસન્નતા

જીવનમાં જો સૌથી જરૂરી વસ્તુ કાંઈ છે તો તે છે ખુશ રહેવું. વ્યક્તિએ ખુશ રહેવા માટે કોઈ વસ્તુની જરૂર નથી હોતી. ખુશી અંદરથી આવે છે. જો વ્યક્તિ પોતાના જીવનમાં સારા કામ કરે છે, તો તેને તેનો આનંદ થાય છે. ખરાબ કામ કરવા વાળા ક્યારેય પણ ખુશ નથી રહી શકતા. આમ તો એવા લોકો દર વખતે ખુશ રહેવાનો દેખાવ જરૂર કરે છે. જીવનમાં સાચો આનંદ મેળવવા માટે તમારે સારા કામ કરવાની જુરુર રહે છે. જે સારા કામ કરે છે, તે સ્વયં ખુશ રહે છે.

મળે છે વ્યક્તિને દરેક કામમાં સફળતા :

હિંદુ ધર્મશાસ્ત્રોના જણાવ્યા મુજબ વ્યક્તિએ પોતાના જીવનમાં દરરોજ થોડા કામ કરવા જોઈએ. તેનાથી ઈશ્વરના આશીર્વાદ તો મળે જ છે, સાથે જ વ્યક્તિને આનંદ પણ મળે છે. તે આખો દિવસ ખુશ રહે છે. ગરુડ પુરાણના જણાવ્યા મુજબ દરેક વ્યક્તિના રોજીંદા જીવનમાં આ ૫ વસ્તુ રહેલી હોવી જોઈએ. જે લોકો આ ૫ કામ નથી કરતા, તેમનો દિવસ અધુરો ગણવામાં આવે છે. દરરોજ નિયમિત રીતે આ કામ કરનારા લોકોનો દિવસ શુભ હોય છે અને તેને તે દિવસે કરવામાં આવેલા તમામ કામોમાં સફળતા મળે છે.

શ્લોક :

स्नानं दानं होमं स्वाध्यायो देवतार्तनम्।

यस्मिन् दिने न सेव्यन्ते स वृथा दिवसो नृणाम्।।

જરૂર કરવા જોઈએ આ ૫ કામ :

સ્નાન :

સ્નાન દરેક વ્યક્તિના જીવનનો મહત્વનો ભાગ હોય છે. દરરોજ સ્નાન કરવાથી ન માત્ર વ્યક્તિનું શરીર સ્વચ્છ થાય છે, પરંતુ તેનાથી વ્યક્તિનું મન પણ પવિત્ર થઇ જાય છે. એટલા માટે કહેવામાં આવે છે કે દિવસની શરુઆત સ્નાન સાથે જ કરવી જોઈએ. જે વ્યક્તિ દરરોજ દિવસની શરૂઆત સ્નાન કરીને કરે છે, તેનો આખો દિવસ ઉર્જાથી ભરેલો રહે છે, અને તમામ કામોમાં સફળતા પણ મળે છે.

દાન :

હિંદુ ધર્મમાં દાનને મહત્વનું સ્થાન આપવામાં આવે છે. દાન આપવા વાળાને કોઈ વસ્તુની કમી નથી હોતી. શાસ્ત્રોમાં એ કહેવામાં આવ્યું છે, કે દરેક વ્યક્તિએ પોતાની યથાશક્તિ મુજબ કંઈક ને કંઈક દાન કરવું જ જોઈએ. એમ કરવાથી વ્યક્તિના જીવનમાં ક્યારે પણ ધનની કમી નથી થતી, અને તેનો પરિવાર પણ સુખી રહે છે.

હવન કરવું કે દીવડો પ્રગટાવવો :

જીવનમાં શાંતિ અને સુખ મેળવવા માટે દરેક વ્યક્તિએ દરરોજ હવન કરવું જોઈએ. જો દરરોજ હવન કરવું શક્ય ન હોય તો ઓછામાં ઓછું દરરોજ તુલસીની સામે દીવડો પ્રગટાવી શકાય છે.

જપ :

સવારના સમયે દરેક વ્યક્તિએ મંત્રોના જાપ કરવા જોઈએ. દરરોજ કોઈ એક મંત્રનો જાપ જરૂર કરવો જોઈએ. તેનાથી મનને ઘણી શાંતિ મળે છે. એવું કહેવામાં આવે છે કે જે વ્યક્તિ સંપૂર્ણ શ્રદ્ધા અને વિશ્વાસ સાથે જાપ કરે છે, તે ક્યારે પણ નિષ્ફળ નથી થતા.

દેવપૂજન :

દરરોજ સ્નાન કર્યા પછી દેવી દેવતાઓની આરાધના કરવી જોઈએ. ભગવાનની પૂજા કર્યા પછી તેને ભોગ ચડાવો. એમ કરવાથી વ્યક્તિ ઉપર ભગવાનની કૃપા જળવાઈ રહે છે અને પરિવાર ઉપર આવનારી તકલીફો હંમેશા માટે દુર થઇ જાય છે.