ફક્ત 250 રૂપિયામાં આ ખાતું ખોલાવીને દીકરી માટે 21 લાખ જમા કરી શકો છો, જાણો યોજના સાથે જોડાયેલી સંપૂર્ણ માહિતી. સુકન્યા સમૃદ્ધિ યોજના : દીકરીના જન્મ સાથે જ માતા-પિતાને તેના ભવિષ્યની ચિંતા થવા લાગે છે. એટલા માટે તેઓ તેના નામથી બચત કરવાનું શરૂ કરી દે છે. મોદી સરકારે દીકરીઓ માટે ઘણા પ્રકારની યોજનાઓ શરૂ કરી છે. સરકારે દીકરીના ઉજ્વળ ભવિષ્ય માટે સુકન્યા સમૃદ્ધિ યોજનાની શરૂઆત કરી હતી, જેથી માતા-પિતાએ દીકરીના ભણતર અને તેના લગ્ન માટે ચિંતિત ના થવું પડે. સુકન્યા સમૃદ્ધિ યોજનામાં તમે ઓછામાં ઓછા 250 રૂપિયાથી ખાતું ખોલાવી શકો છો. જોકે આ યોજનાનો લાભ ફક્ત તેમને જ મળશે જેમની દીકરીની ઉંમર 10 વર્ષથી વધારે નથી.
સુકન્યા સમૃદ્ધિ યોજનાના ફાયદા :
સુકન્યા સમૃદ્ધિ યોજનામાં હાલમાં 7.6 ટકાના દરથી વાર્ષિક વ્યાજ મળી રહ્યું છે. આ યોજનામાં રોકાણ કરવા પર દીકરીને 21 વર્ષની ઉંમરમાં એક મોટી રકમ મળે છે. ખાસ વાત એ છે કે આ યોજનામાં વધારે રકમ જમા કરીને મેચ્યોરિટી પર લગભગ 64 લાખની રકમ પ્રાપ્ત કરવામાં આવી શકે છે. જે દીકરીને ભવિષ્યમાં કામ લાગી શકે છે. આ પોસ્ટ ઓફિસની યોજના હોવાને કારણે રોકાણ પણ સંપૂર્ણ રીતે સુરક્ષિત રહે છે.
7.6 ટકાના દરથી મળે છે વ્યાજ :
પોસ્ટ ઓફિસની સુકન્યા સમૃદ્ધિ યોજનામાં રોકાણ કરવા પર 7.6 ટકાના હિસાબે વાર્ષિક વ્યાજ આપવામાં આવે છે. આ યોજનામાં માતા-પિતાએ ફક્ત 14 વર્ષ રોકાણ કરવાનું હોય છે. ત્યારબાદ 21 વર્ષ થવા પર મેચ્યોરિટી મળી જાય છે. 14 વર્ષ પછી ક્લોઝિંગ રાશિ પર 7.6 ટકા વાર્ષિક વ્યાજ દરના હિસાબે વ્યાજ મળે છે.
ઓછામાં ઓછું 250 રૂપિયાનું રોકાણ :
સુકન્યા સમૃદ્ધિ યોજનામાં ઓછામાં ઓછા 250 રૂપિયાથી રોકાણની શરૂઆત કરવામાં આવી શકે છે. તેમાં વધુમાં વધુ 1.50 લાખ રૂપિયા જમા કરાવી શકાય છે. આ સ્કીમનો લાભ લેવા માટે છોકરીની ઉંમર 10 વર્ષથી ઓછી હોવી જોઈએ. આ યોજનાના વ્યાજ દરને ત્રણ મહિને રિવાઇઝ કરવામાં આવે છે. સુકન્યા સમૃદ્ધિ યોજના અંતર્ગત 3 છોકરીઓ સુધી એકાઉન્ટ ખોલવામાં આવી શકે છે. આ યોજનામાં તમને આયકરના નિયમની કલમ 80C હેઠળ છૂટ પણ મળે છે.
21 વર્ષમાં મળશે 21.21 લાખ રૂપિયા :
જો તમે દીકરીના નામ પર તેની 1 વર્ષની ઉંમરમાં એકાઉન્ટ ખોલાવો છો, અને દર વર્ષે 50,000 રૂપિયા જમા કરાવો છો, તો 7.6 ટકા વ્યાજ દરના હિસાબે એકાઉન્ટ મેચ્યોર થવા પર તમારી દીકરીને લગભગ 21.21 લાખ રૂપિયા મળશે.
ખાતું કઈ રીતે ખોલાવી શકાય છે?
સુકન્યા સમૃદ્ધિ યોજનામાં ખાતું ખોલાવવા માટે નજીકની પોસ્ટ ઓફિસમાં જવું પડશે. ત્યાં દીકરીનું બર્થ સર્ટિફિકેટ, માતા-પિતાનો આધાર કાર્ડ, ત્રણ ફોટા અને ઓછામાં ઓછા 250 રૂપિયા જમા કરાવવા પડશે. ત્યારબાદ તમારું ખાતું ખુલી જશે.
આ માહિતી પત્રિકા અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.