બુધનું તુલા રાશિમાં ગોચર, આ 7 રાશિવાળાને મળશે સફળતાની સાથે ધનલાભ.

22 સપ્ટેમ્બરે બુધ કરશે તુલા રાશિમાં ભ્રમણ, જાણો તમારી રાશિ પર કેવો પડશે પ્રભાવ. બધા ગ્રહોમાં બુધને રાજા કહેવામાં આવે છે. કુંડળીમાં બુધની સ્થિતિ સારી હોય તો વ્યક્તિની તાર્કિક ક્ષમતા વધી જાય છે. જો બુધની ખરાબ સ્થિતિ હોય તો વ્યક્તિના જીવનમાં ઘણા ઉતાર-ચડાવ આવે છે. બુધ દેવ હાલ કન્યા રાશીમાં છે અને 22 સપ્ટેમ્બરના રોજ કન્યા માંથી તુલા રાશીમાં પ્રવેશ કરશે. તુલા રાશીમાં બુધનું આ ભમણ 14 ઓક્ટોબર સુધી રહેશે. આવી જાણીએ કે બુધના ભ્રમણથી કઈ રાશી વાળાને લાભ થવાનો છે.

મેષ – બુધ ગ્રહનું ભ્રમણ તમારા જીવનમાં ઘણા પડકારો લાવી શકે છે. ઘરના સભ્યો સાથે તમારે થોડા મતભેદ થઇ શકે છે. તમારે તમારા ગુસ્સા ઉપર કાબુ રાખીને વાત ઉકેલવાનો પ્રયત્ન કરવો જોઈએ. તમારા કૌટુંબિક જીવનમાં પણ થોડા ઉતાર-ચડાવ આવી શકે છે. કોઈ જૂની વાતને લઈને માથાકૂટ કરવાથી દુર રહો. ભ્રમણ દરમિયાન જેટલું બની શકે બધાથી સાથે મનમેળ રાખવાનો પ્રયાસ કરો. તમારા ખર્ચા ઉપર ધ્યાન આપો અને દેવું કરવા કે આપવાથી દુર રહો. આ ભ્રમણ કાળમાં વેપારીઓને ઘણું સંભાળીને રહેવાની જરૂર છે. આરોગ્યનું ખાસ ધ્યાન રાખો.

વૃષભ – બુધનું આ ભ્રમણ વૃષભ રાશીના લોકો માટે ફળદાયક સાબિત થશે. આ રાશીના વિદ્યાર્થીઓને તેની મહેનતનું ફળ મળશે. કાર્યક્ષેત્રમાં આ રાશીના લોકોને સફળતા મળશે. વાદ-વિવાદની સ્થિતિમાં તમારો વિજય થશે. પ્રેમની બાબત માટે સારો સમય રહેશે. આ ભ્રમણ કાળમાં તમે તમારા સાથીથી વધુ નજીક આવશો. સામાજિક ક્ષેત્ર ઉપર તમારું માન સન્માન પણ વધશે. સંતાનને કારણે ઘરમાં ખુશીઓ આવી શકે છે. તે દરમિયાન તમને દેવા માંથી મુક્તિ મળી શકે છે. બુધનું આ ભમણ વૃષભ રાશીની ઘણી તકલીફો દુર કરશે.

મિથુન – બુધના ભ્રમણ દરમિયાન તમારા કુટુંબનું વાતાવરણ સુખદ રહેશે. તમે બધી ચિંતાઓ ભૂલીને ઘરવાળાને પુરતો સમય આપશો અને તેની સાથે સારો સમય પસાર કરશો. તમારા જીવનમાં સકારાત્મકતા આવશે. નજીકના મિત્રો સાથે સમય પસાર કરવાની તક મળી શકે છે. આ ભ્રમણ કાળ દરમિયાન તમારે તમારા ખર્ચા ઉપર નિયંત્રણ રાખવાની જરૂર છે. તમારા બજેટ મુજબ જ ખર્ચ કરો. આ રાશીના વિદ્યાર્થીઓને પણ બુધના ભ્રમણનો લાભ મળશે. સ્પર્ધાત્મક પરીક્ષાઓની તૈયારી કરવા વાળા વિદ્યાર્થીઓને સફળતા મળવાની પૂરી સંભાવના છે.

કર્ક – તમારા કૌટુંબિક જીવનમાં શાંતિ જળવાઈ રહેશે. માતા સાથે સારો સમય પસાર કરી શકો છો. તે ભ્રમણ તમને એક માનસિક ચિંતા આપીને જશે. નોકરી કરી રહેલા લોકોની બઢતીની પુરતી શક્યતા છે. આમ તો આર્થિક ચિંતાઓ છતાં પણ જળવાઈ રહેશે. આ રાશીના વિદ્યાર્થીઓને આ ભ્રમણ કાળ દરમિયાન અભ્યાસ માંથી મન ભટકી શકે છે. તમારો સમયનો બગાડ ન કરશો, નહિ તો નુકશાની વેઠવી પડશે. અમુક લોકો તે સમય દરમિયાન આરોગ્ય સાથે જોડાયેલી સમસ્યાઓ ઉભી થઇ શકે છે. નિયમિત કસરત કરો અને સંતુલિત ભોજન ખાવ.

સિંહ – બુધના ભ્રમણથી નાના ભાઈ-બહેનો સાથે તમારા સંબંધ સુધરશે. તમને તેનો પુરતો સહકાર મળશે અને તમે પણ તેને મદદ કરશો. ઘરવાળા વચ્ચે સંબંધ જળવાઈ રહેશે. ઘરના સારા વાતાવરણથી તમને માનસિક શાંતિ મળશે અને તમારા કાર્યક્ષેત્રમાં પણ સારું પ્રદર્શન કરી શકશો. મિત્રો કે સંબંધીઓનો ફાયદો મળી શકે છે. તે દરમિયાન તમારે પૈસા સાથે જોડાયેલી લેવડ-દેવડને લઈને વધુ સાવચેત રહેવું પડશે. ઘણા લોકો આ ભ્રમણ કાળની અસરથી માનસિક તણાવમાં પણ આવી શકે છે. તેવામાં ધ્યાન-યોગનો સહારો લઈને તમારા મનને સંતુલિત કરો.

કન્યા – બુધની સ્થિતિથી કૌટુંબિક જીવન સારું રહેશે. આ ભ્રમણની તમારા સામાજિક ક્ષેત્ર ઉપર પણ અસર પડશે. તમે તમારી વાણીની શક્તિ ઉપર લોકોને પ્રભાવિત કરવામાં સફળ થશો. વેપારીઓને જૂની કોઈ યોજનાઓ માંથી લાભ થવાની પુરતી સંભાવના છે. તમારી મહેનતનું સારું ફળ બુધના આ ભ્રમણ દરમિયાન તમને મળશે. આ રાશીના વિદ્યાર્થીઓને તેની મહેનતનું ફળ મળશે. ઓફીસમાં તમારા સાથી કર્મચારીઓ સાથે સારા સંબંધ જાળવી રાખો.

તુલા – બુધનું ભ્રમણ તમારી જ રાશીમાં થઇ રહ્યું છે. તેની અસરથી તમારે થોડી તકલીફોનો સામનો કરવો પડશે. વેપારમાં ઘણા પ્રકારની અડચણ આવી શકે છે. તે દરમિયાન વિદ્યાર્થીઓનું પણ મન ભટકી શકે છે. તમારી તકલીફોનો યોગ્ય ઉકેલ મેળવવા માટે વડીલોની સલાહ લો. ઉતાવળમાં કોઈ પણ નિર્ણય ન લો તો જ સારું રહેશે. સામાજિક કક્ષાએ પણ આ રાશીના લોકોએ સાવચેત રહીને ચાલવાની જરૂર છે, જેટલું બની શકે એટલું ઓછું બોલો અને વાદ-વિવાદની સ્થિતિથી દુર રહો. બુધના ભ્રમણ કાળ દરમિયાન તમારે તમારા વર્તનમાં સકારાત્મક ફેરફાર લાવવાની જરૂર છે. આમ તો નોકરી કરી રહેલા લોકોને આ ભ્રમણ દરમિયાન નસીબનો સાથ મળશે.

વૃશ્ચિક – બુધનું આ ભ્રમણ તમારા જીવનમાં આર્થિક પડકારો લઈને આવી શકે છે. તમારા ખર્ચમાં વધારો થઇ શકે છે જેના કારણે તમે માનસિક તણાવમાં પણ આવી શકો છો. આ ભ્રમણ કાળમાં ધનની બચતની યોજનાઓ બનાવો. જે લોકો કોઈ વિદેશી કંપનીમાં કામ કરે છે તેના માટે આ ભ્રમણ સારું રહી શકે છે. આરોગ્યની ગણતરીએ પણ બુધનું આ ભ્રમણ તમારા માટે સારું નથી. તે દરમિયાન તમારે તમારા આરોગ્યની પુરતી કાળજી રાખવી જોઈએ. તમારી દિનચર્યામાં કસરતને સામેલ કરો.

ધનુ – આ ભ્રમણથી તમારા જીવનમાં જુદા જુદા પક્ષોમાં સકારાત્મક ફેરફાર જોઈ શકાય છે. નોકરી કરી રહેલા લોકોને કાર્યક્ષેત્રમાં સારું ફળ મળશે. અમુક લોકોને કાર્યક્ષેત્રમાં બઢતી મળી શકે છે. તમારી સાથે સાથે તમારા જીવનસાથીને પણ તેના ક્ષેત્રમાં લાભ મળી શકે છે. તે દરમિયાન તમે કોઈ નવી વસ્તુ શીખવાનો પ્રયત્ન કરશો. મોટા ભાઈ-બહેનો સાથે તમારા સંબંધ સુધરશે જેનાથી કુટુંબનું વાતાવરણ સારું થઇ જશે. સામાજિક કક્ષાએ તમે તમારા મિત્રો સાથે સારો સમય પસાર કરી શકશો. લાંબા સમયથી બીમાર લોકોને આ બુધના ભ્રમણથી આરામ મળી શકે છે.

makar rashi

મકર – આ ભ્રમણની અસર તમારા કાર્યક્ષેત્ર અને નેતૃત્વ ક્ષમતા ઉપર પડશે. તમને તમારા કાર્યક્ષેત્રમાં સફળતા મળશે. આ રાશીના વેપારીઓને પણ ભ્રમણથી લાભ થવાની સંભાવના છે, તમારી અધુરી યોજનાઓને તમે આ સમયે પૂરી કરી શકો છો. વેપાર વધારવા માટે આ સમય તમારા માટે સારો રહેશે. આ રાશીના વાળાને ઘણી સારી તકો આ દરમિયાન મળી શકે છે. વિદ્યાર્થીઓના શિક્ષણ ક્ષેત્રમાં પ્રગતી મળી શકે છે. તે દરમિયાન તમારી એકાગ્રતામાં વધારો થશે. કુટુંબનું વાતાવરણ સુખદ રહેશે, આમ તો તમારા ગુસ્સા ઉપર કાબુ રાખવાની તમારે જરૂર છે.

કુંભ – બુધનું આ ભ્રમણ કુંભ રાશીના વ્યક્તિ માટે ઘણી બાબતોમાં સારું રહેશે. તે દરમિયાન તમે માનસિક શાંતિ મેળવવા માટે ધર્મ-કર્મના કામ કરશો અને અધ્યાત્મિક વિષયોમાં પણ રસ લેશે. તે દરમિયાન તમે કૌટુંબિક જીવનમાં પણ સંતુલન બનાવવાનો પૂરો પ્રયાસ કરશે. વિદ્યાર્થીઓ માટે પણ બુધનું આ ભ્રમણ સારું રહેશે. તે દરમિયાન તમારી તાર્કિક ક્ષમતા વધશે. બેરોજગાર લોકોને તે દરમિયાન ભાગ્યનો સાથ મળી શકે છે. વેપારીઓ માટે પણ આ ભ્રમણ અનુકુળ રહેશે, જો તમે કામની બાબતમાં પ્રવાસ કરો છો, તો લાભ મળવાની પૂરી સંભાવના છે.

મીન – મીન રાશી વાળા માટે બુધનું આ ભ્રમણ પડકારપૂર્ણ રહી શકે છે. કાર્યક્ષેત્રમાં તમારે ઘણા પ્રકારની મુશ્કેલીઓનો સામનો કરવો પડી શકે છે. આ સમયગાળામાં તમારે ઘણા જાગૃત રહેવાની જરૂર છે. આમ તો આધ્યાત્મિકતા તરફ વળવાથી તમારા માટે આ ભ્રમણ સારું રહી શકે છે, તમારી શોધને નવી ગતિ મળી શકે છે. આરોગ્ય ઉપર પણ તે દરમિયાન વિશેષ ધ્યાન આપવાની જરૂર છે. પોતાના ખાવા પીવા ઉપર ધ્યાન આપો.

આ માહિતી આજતક અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.