લિવર દરેક જીવિત પ્રાણીના શરીરનો મહત્વનો ભાગ હોય છે, અને જો સીધા શબ્દોમાં એને પરિભાષિત કરીએ તો શરીરના બાકીના અંગોની સરખામણીમાં લિવર સૌથી વધારે કામ કરવા વાળું અંગ હોય છે. આ તમારા લોહી માંથી ટોક્સિનને કાઢીને એને શુદ્ધ કર્યા પછી જ આખા શરીરમાં પહોંચાડે છે. લિવર જ આ વાતને નક્કી કરે છે કે કઈ વસ્તુ યોગ્ય છે, અને કઈ ગંદકીને બહાર કાઢીને ફિલ્ટર કરવાની છે. એના અંતે આપણે આપણા લિવરનું ખાસ ધ્યાન રાખવું જોઈએ અને એને સ્વસ્થ રાખવા માટે આપણે પોતાના ખાન-પાનનું પણ ધ્યાન રાખવું જોઈએ. પેટ માટે બીટ સૌથી ફાયદાકારક હોય છે. અને તે લોહીનું પરિભ્રમણ વ્યવસ્થિત રીતે થવામાં મદદ કરે છે. લિવરની ગંદકી સાફ કરવાની રામબાણ રીત છે બીટનું જ્યુસ, અને એને ખાવાથી તમારું શરીરનું ખોવાયેલું એનર્જી લેવલ પણ પાછું આવે છે.
લિવરની ગંદકી સાફ કરવાનો રામબાણ ઈલાજ છે બીટનું જ્યુસ :
બીટમાં સોડિયમ, પોટેશિયમ, ફોસ્ફરસ, ક્લોરીન, આયોડીન, આયરન અને ઘણા વિટામિન મળી આવે છે, જેને ખાવાથી હિમોગ્લોબીન વધે છે. તમારા શરીરની વપરાયેલી ઉર્જા એના સેવનથી પાછી આવી શકે છે. એમાં એન્ટીઓક્સીડેન્ટ પણ મળી આવે છે, જેનાથી તમારા વાળ પણ ઘણા ઓછા અને મોડેથી સફેદ થાય થશે. બીટનું સેવન મોટેભાગે લોકો સલાડ અથવા જ્યુસ બનાવી કરે છે. તે લાલ રંગની હોય છે, તો મોટાભાગના લોકો એના વિષે એવું જ સમજે છે કે તે ફક્ત લોહી વધારવા માટે ઉપયોગી થાય છે. પરંતુ એના બીજા પણ ઘણા બધા ફાયદા છે. બીટ આપણા માટે ઘણી બધી રીતે ફાયદા કારક હોય છે. આવો તમને એના વિષે જણાવીએ.
એનર્જી લેવલ વધારે છે :
જો તમને તમારા શરીરમાં આળસ અથવા ઉર્જાનો અભાવ જેવું કંઈ લાગે છે, તો તમારે રોજ એક બીટ જરૂર ખાવું જોઈએ. એવું કરવાથી તમારા શરીરમાં એનર્જી લેવલ વધે છે.
ત્વચા માટે ફાયદાકારક :
સફેદ બીટને પાણીમાં ઉકાળીને ગાળી લો, અને પછી એ પાણી ફોલ્લી, બળતરા અથવા પછી ખીલ માટે ઉપયોગી સાબિત થાય છે. ખણ અને તાવમાં ત્વચા સાફ કરવામાં તમે બીટ જરૂર ખાઈ શકો છો.
એનીમિયા અને પ્રતિરોધક ક્ષમતા :
બીટને એનીમિયાના ઉપચારમાં ઘણું ફાયદાકારક માનવામાં આવે છે. અને આ શરીરમાં લોહી બનાવવાની પ્રક્રિયામાં મદદ કરે છે. આયરનની વધારે માત્રાને કારણે લોહીના રક્ત કણોને સક્રિય રાખવાની ક્ષમતાને વધારી દે છે, અને એના સેવનથી શરીરની રોગ પ્રતિકારક ક્ષમતા વધે છે, અને તે ઇજાને ભરવામાં પણ મદદ કરે છે.
હાઈ બ્લડ પ્રેશરમાં કરે છે મદદ :
લંડન યુનિવર્સીટીમાં રિસર્ચ અનુસાર જાણવા મળ્યું, કે દરરોજ બીટનું જ્યુસ પીવા વાળા લોકોમાં હાઈ બ્લડ પ્રેશરની સમસ્યા ઓછી જોવા મળી છે. રિસર્ચ અનુસાર રોજ બે બીટનો રસ પીવાથી બ્લડ પ્રેશર નિયંત્રણમાં રહે છે. પણ જો તમે એને વધારે માત્રામાં લેશો તો એ શરીર માટે સારું નથી રહેતું.
કબજિયાત અને હરસમાં ફાયદાકારક :
બીટને રોજ ખાવાથી કબજિયાતની તકલીફ નથી થતી. અને હરસના રોગીઓને પણ ફાયદો મળે છે. રાત્રે ઊંઘતા પહેલા એક ગ્લાસ બીટનું જ્યુસ એકદમ દવા જેવું કામ કરે છે. એનાથી એનર્જી લેવલ પણ વધે છે અને એની સાથે હાઈ બીપી પણ કંટ્રોલમાં રહે છે.