આ દુનિયામાં ઘણા પ્રકારની અસમાનતાઓ રહેલી છે, જેવી કે લોકો વચ્ચે, દેશ વચ્ચે, શહેરો વચ્ચે, ગામડાઓ વચ્ચે, ખાસ કરીને શહેરો અને ગામડા વચ્ચે ઘણી અસમાનતા જોવા મળે છે. અને તેમાં પણ શહેરો ગામડાઓ કરતા હંમેશા વિકાશશીલ જ રહેલા જોવા મળે છે. ગામડામાં જોઈએ એટલો વિકાસ ઓછો જોવા મળે છે, અને શહેરો દિવસેને દિવસે વિકસતા જાય છે. રોજગારી, સુખ સુવિધા તમામ રીતે શહેરોનો વિકાસ જોવા મળે છે.
પરંતુ અમે તમને એમ કહીએ કે એ વાત ખોટી છે, ગામડાનો પણ ઘણો વિકાસ થયેલો છે, તો તે વાત તમારા માનવામાં નહિ આવે. અને આ વાત એકદમ સાચી છે. તો આવો અમે તમને આજે એ વાત જણાવવા જઈ રહ્યા છીએ કે આ છે ગામડાઓનો આવો વિકાસ જુઓ વિસ્તારથી.
ગામમાં રહેવા વાળા મોટાભાગના લોકો ખેતી કરે છે અને વધુ સક્ષમ પણ નથી હોતા. તેમની પાસે માત્ર ખેતી કરવા માટે થોડી ઘણી જમીન હોય છે. જેનાથી તે પોતાનું ગુજરાન ચલાવે છે. તેમની લકઝરી લાઈફ નથી હોતી. તમે લકઝરી લાઈફ માત્ર મોટા શહેરોમાં જ જોઈ હશે. પરંતુ તમને જણાવી દઈએ કે દુનિયામાં એક ગામ એવું પણ છે જ્યાં દરેક વ્યક્તિ પાસે હેલિકોપ્ટર છે.
તમે વિચારી રહ્યા હશો કે તેમની પાસે એટલા પૈસા ક્યાંથી આવ્યા? માની લઈએ કે કોઈ એક બે લોકો પાસે બધી સુવિધાઓ રહેલી હોઈ શકે છે, પરંતુ દરેક વ્યક્તિની લકઝરી લાઈફ છે. અહિયાંના દરેક માણસ કરોડપતિ છે. આ કરોડપતિ ગામને જોવા માટે દુનિયાના પ્રવાસીઓ આવે છે. આ ગામનું નામ અસી (Huaxi) છે. આ ગામ દુનિયા આખીમાં મિલકત અને પ્રગતી માટે પ્રસિદ્ધ છે.
મીડિયાના રીપોર્ટ મુજબ આ ગામને ૧૯૬૦ માં વું રેનવાઓ નામથી પ્રસિદ્ધ એક નેતાએ વસાવ્યું હતું. આ ગામને વિકસાવવા માટે અને લોકોને રોજગારી આપવા માટે તેમણે ફર્ટીલાઈઝર સ્પ્રે કેનની ફેક્ટરી લગાવી હતી. આ ફેક્ટરીમાં મળતા નફાથી અહિયાંના લોકોને તમામ સુવિધાઓ પૂરી પાડવામાં આવી. આ ગામની અંદર અમેરિકાના સ્ટેચ્યુ ઓફ લીબર્ટી, ઓસ્ટ્રેલીયાના ફેમસ ઓપરા હાઉસ પણ બનાવવામાં આવેલા છે.
આ માહિતી અમર ઉજાલા અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.