સુંદરતા દરેકને ગમે છે. ખાસ કરીને મહિલાઓની બાબતમાં તો આ વાત પુરુષોથી વધુ જોવા મળે છે. આજના સમયમાં બજારમાં ઘણી એવી બ્યુટી ક્રીમ ઉપલબ્ધ છે. પણ જુના જમાનામાં જ્યારે રાણીઓ પાસે આવા પ્રકારની કોઈ બ્યુટી ક્રીમ પણ ન હતી તો જાણો તે શું કરતી હતી પોતાને સુંદર, આકર્ષક અને ફીટ જાળવી રાખવા માટે.
કેમ કે તે સમયે કરવામાં આવતા આયુર્વેદિક ઉપાય આજના સમયમાં પણ એટલું જ કામ આવે છે. અને તેની કોઈ આડ અસર પણ નથી હોતી.
રાણીઓના સ્નાન માટે ખાસ પાણી તૈયાર કરવામાં આવતું હતું. રાણીઓ સ્નાન કરતી વખતે પાણીમાં ચંદન, દૂધ, કેસર અને ગુલાબ જળનું મિશ્રણ બનાવીને ભેળવતી હતી. આ પાણીથી સ્નાન કરીને તેમની ત્વચામાં નિખાર અને કડકપણું આવ્રું હતું. તે સમયે રાણીઓ ઘણા ઘરેણા પહેરતી હતી, જે તેની સુંદરતામાં ચાર ચાંદ લગાવતા હતા. તે ઉપરાંત તે પોતાના કપડા ઉપર ફૂલોનાં રસમાંથી બનેલ અત્તરનો ઉપયોગ કરતી હતી.
કેસરનો ઉપયોગ :
જુના સમયમાં રાણીઓ પોતાના શરીરની સુંદરતા વધારવા માટે કેસરને બ્યુટી પ્રોડક્ટ તરીકે ઉપયોગ કરતી હતી. કેસરને નારીયેલના તેલમાં ભેળવીને શરીર ઉપર તેનો લેપ કરતી હતી. આજે પણ ઘણી એવી મહિલાઓ તેનો ઉપયોગ કરે છે. તે ઉપરાંત કેસરને દુધમાં પલાળીને ન્હાતા પહેલા ચહેરા ઉપર લગાડી શકાય છે.
ફુદીનાના પાંદડાનો ઉપયોગ :
રાણીઓ પોતાની સુંદરતા વધારવા માટે ફુદીનાના પાંદડાને વાટીને હાથથી ચહેરા ઉપર લગાવતી હતી. આ ઉત્તમ સ્કીન ક્લીનીંગનું કામ કરતું હતું. આજે પણ આ સરળતાથી મળી જાય છે. તમે સંકોચ વગર તેનો ઉપયોગ કરી શકો છો. તે ચહેરાના કાળા ડાઘ-ધબ્બા અને પીપલ્સને દુર કરીને તમને આકર્ષક લુક આપશે.
મધ :
જુના સમયમાં રાણીઓ મધનો ઉપયોગ પણ કરતી હતી. મધ એક કુદરતી મોઈસ્ચરાઈઝરનું કામ કરે છે. તે તમારા ચહેરાની રંગતને નિખારે છે. આજે પણ ઘણા એવા લોકો તેને ચહેરા ઉપર ઉપયોગ કરે છે. પણ મધ ભેળસેળ વાળું ન હોવું જોઈએ.
ભોજન અને ફીટ રહેવું :
જુના સમયમાં રાણીઓ ફળ, શાકભાજી, ફળનો રસ, અખરોટ, જેતુનના તેલનું સેવન કરતી હતી. તેની એવી ડાઈટ તેને આરોગ્યપ્રદ જાળવી રાખવાની સાથે સાથે સુંદર રાખવામાં પણ મદદ કરતી હતી. જુના સમયમાં પોતાને ફીટ રાખવા માટે રાણીઓ તલવાર ચલાવવી, તીર ચલાવવું, ઘોડે સવારી કરવી, શિકાર ખેલવો અને કસરત કરવી વગેરે ક્રિયાઓ કરતી હતી. આવી રીતે તે પોતાને ફીટ અને સુંદર બનાવી રાખતી હતી.