ખુબ જ સુંદર હિલ સ્ટેશન છે માઉન્ટ આબુ, જાણો માઉંટ આબૂના પ્રસિદ્ધ પર્યટન સ્થળ વિષે.

માઉંટઆબુ એક ઘણું જ સરસ ફરવા લાયક સ્થળ છે. જો કે ભારતના રાજસ્થાનમાં આવેલું છે. માઉંટઆબુ અરાવલી રેંજમાં આવેલું છે અને આ સ્થળ ઉપર ઘણા સુંદર પહાડો છે. દર વર્ષે લાખોની સંખ્યામાં લોકો અહિયાં ફરવા માટે આવે છે. જો તમે રજાઓમાં ક્યાંક ફરવા જવાનું આયોજન કરી રહ્યા છો, તો માઉંટઆબુ જરૂર જાવ. આ સ્થળ ઉપર જઈને તમને શાંતિની પળ પસાર કરી શકો છો.

માઉંટઆબુનો ઈતિહાસ :-

માઉંટઆબુ એક ઐતિહાસિક સ્થળ તરીકે પણ ઓળખવામાં આવે છે. આ ફરવાના સ્થળમાં ઘણા બધા પ્રસિદ્ધ મંદિર આવેલા છે. એટલું જ નહિ માઉંટઆબુ એક લોકપ્રીય જૈન તીર્થ સ્થળ પણ છે. પૌરાણીક કથાઓમાં પણ માઉંટઆબુનું વર્ણન જોવા મળે છે. પૌરાણીક કથાઓ મુજબ આ સ્થળના પર્વત ઘણા જ પવિત્ર છે અને આ પવિત્ર પર્વત ઉપર દેવી દેવતાઓ ભ્રમણ કરે છે.

આ સ્થળ સાથે જોડાયેલી કથાઓ મુજબ અસુરોનો વિનાશ કરવા માટે મહાન સંત વશિષ્ઠએ આ સ્થળ ઉપર એક યજ્ઞ કર્યો હતો અને આ યજ્ઞને કારણે અસુરોનો વિનાશ થઇ ગયો હતો. જયારે જૈન ધર્મના ચોવીસમા તીર્થકર ભગવાન મહાવીર આ સ્થળ ઉપર આવ્યા હતા. જેને લઈને આ સ્થળને જૈન ધર્મનું પવિત્ર ધામ પણ માનવામાં આવે છે. માઉંટઆબુમાં ઘણા બધા જૈન મંદિર પણ રહેલા છે.

કેવી રીતે પડ્યું માઉંટઆબુ નામ :-

કહેવામાં આવે છે કે આરબુઆદા એક ઘણો જ શક્તિશાળી સાપ માનવામાં આવતો હતો. જે આબુ નામના હિમાલયના પુત્ર હતા. એક વખત ભગવાન શિવનો બળદ નંદી ખાઈમાં પડી ગયો હતો. ત્યારે આરબુઆદાએ નંદીનો જીવ બચાવ્યો હતો અને ત્યારથી આ સ્થળનું નામ માઉંટઆબુ રાખવામાં આવ્યું. અને માઉંટઆબુ ઉપર દેવી દેવતાનો વાસ પણ માનવામાં આવે છે અને એવી માન્યતા છે કે આ સ્થળ ઉપર ગૌમુખ ઋષિ વરિષ્ઠ રહેતા હતા.

માઉંટઆબુના ફરવા લાયક સ્થળ :-

જો તમે રજાઓનું આયોજન કરી રહ્યા છો, તો તમે એક વખત માઉંટઆબુ જરૂર જાવ. જ્યાં ઘણા બધા પ્રસિદ્ધ દર્શનીય સ્થળ છે. જાણીએ આ દર્શનીય સ્થળોને વિસ્તાર પૂર્વક જાણકારી

દિલવાડા જૈન મંદિર માઉંટ આબુ :-

દિલવાડા જૈન મંદિર જૈનોનું એક તીર્થ સ્થળ છે. આ મંદિરનું નિર્માણ ૧૧મી અને ૧૩મી સદી વચ્ચે કરવામાં આવ્યું હતું. આ મંદિરને વાસ્તુપાલ અને તેજપાલ દ્વારા બનાવવામાં આવ્યું છે. આ મંદિરના નિર્માણમાં સંગેમરમરના પથ્થરોનો ઉપયોગ કરવામાં આવ્યો છે. આ મંદીરમાં ઘણા જ સુંદર નકશીકામ કરવામાં આવ્યા છે. આ મંદિરની છતથી લઈને દીવાલો ઘણી જ સુંદર રીતે બનાવવામાં આવી છે.

માઉંટ આબુ વન્યજીવ અભ્યારણ :-

માઉંટઆબુ વન્યજીવ અભ્યારણમાં તમને ઘણા પ્રકારની વનસ્પતિઓ, જાનવર અને જીવ જંતુ જોવા મળશે. આ સ્થળ ઉપર જઈને તમે તમને કુદરતની પાસે અનુભવશો. આ વન્યજીવ અભ્યારણ માઉંટઆબુથી થોડું જ દુર આવેલું છે. અહિયાં વન્યજીવ અભ્યારણ સાંજે પાંચ વાગ્યા સુધી જ ખુલ્લું રહે છે અને આ સ્થળ ઉપર જવા માટે તમારે ટીકીટ લેવી પડે છે. જો તમે માઉંટઆબુ બાળકો સાથે જાવ છો, તો આ સ્થળ ઉપર જરૂર જાવ.

નક્કી તળાવ :-

નક્કી તળાવ ઘણું જ સુંદર તળાવ છે. જે માઉંટઆબુમાં આવેલું છે. આ તળાવમાં બોટિંગ કરવાની સુવિધા પણ આપવામાં આવી છે. આ તળાવની આસપાસના દ્રશ્ય ઘણા જ સુદંર છે. આ એક માનવ સર્જિત તળાવ છે અને તેની ઊંડાઈ લગભગ ૧૧,૦૦૦ ફૂટ છે. નક્કી તળાવ માઉંટઆબુનું મુખ્ય ફરવા લાયક સ્થળો માંથી એક છે. આ તળાવ સંપૂર્ણ રીતે પહાડો અને ખડગોથી ઘેરાયેલું છે.

ગુરુ શિખર :-

ગુરુ શિખર માઉંટઆબુથી લગભગ ૧૫ કી.મી. ના અંતરે આવેલું છે. જે અરાવલી રેંજની સૌથી ઊંચું શિખર છે. આ શિખર આખા માઉંટઆબુ હિલ સ્ટેશન સારી રીતે જોઈ શકાય છે. આ શિખરનું હિંદુ ધર્મમાં ઘણું જ વિશેષ મહત્વ પણ છે. એવુ કહેવામાં આવે છે કે આ શિખર ઉપર રહેલી ગુફા ભગવાન વિષ્ણુને સમર્પિત છે. ગુરુ શિખર ઘણી ઊંચાઈ ઉપર આવેલું છે. જેના કારણે જ આ સ્થળ ઉપર જવા માટે સીડીઓ ચડીને જવું પડે છે.

અર્બુદા દેવી મંદિર :-

અર્બુદા દેવી મંદિર એક તીર્થ સ્થળ છે. જે માં સતીના ૫૧ શક્તિપીઠ માંથી એક છે. નવરાત્રી દરમિયાન આ મંદિરમાં વિશેષ ભીડ જોવા મળે છે. માં અર્બુદા દેવીને કાત્યાયની દેવીનો અવતાર માનવામાં આવે છે અને એવું કહેવામાં આવે છે કે આ મંદિરમાં બિરાજમાન માતાની પૂજા કરવાથી દરેક મનોકામના તરત પૂરી થઇ જાય છે. આ મંદિર એક ગુફાની અંદર બનેલું છે. આ મંદિર સુધી જવા માટે ૩૬૫ સીડીઓ ચડવી પડે છે. આ મંદિર પાસે જ એક કુવો પણ છે અને આ કુવાનું પાણી ઘણું જ પવિત્ર માનવામાં આવે છે.

ટોડ રોક માઉંટઆબુ :-

ટોડ રોક ખડકોથી બનેલું એક રોક છે અને પ્રવાસીઓ આ સ્થળ ઉપર આવી પીકનીક મનાવે છે. આ રોક પાસે જ એક તળાવ અને લીલીછમ પહાડી પણ છે. આ રોક સુધી જવા માટે ચડાણ કરવું પડે છે. આ રોકથી માઉંટઆબુ ઘણું જ સુંદર દ્રશ્ય જોવા મળે છે.

સનસેટ પોઈન્ટ માઉંટઆબુ :-

સનસેટ પોઈન્ટ પણ માઉંટઆબુના પ્રસિદ્ધ સ્થળો માંથી એક છે. સાંજના સમયે અહિયાં સુર્યાસ્ત થવાના સમયે સૂર્ય માંથી ઘણી જ સુંદર કિરણો નીકળે છે અને આ દ્રશ્ય જોવા માટે ઘણા લોકો આ સ્થળ ઉપર હાજર રહે છે. આ સ્થળ જઈને શાંતિ મળે છે. એટલા માટે તમે સનસેટ પોઈન્ટ પણ જરૂર જાવ.

ક્યારે જવું માઉંટઆબુ :-

માઉંટઆબુ ફરવાનો સૌથી ઉત્તમ સમય સપ્ટેમ્બરથી નવેમ્બર અને માર્ચથી મેં સુધીનો છે. કેમ કે ડીસેમ્બરથી ફેબ્રુઆરી સુધી આ સ્થળ ઉપર ઘણી જ ઠંડી પડે છે. અને જુનથી ઓગસ્ટ મહિના દરમિયાન આ સ્થળનું તાપમાન ઘણું જ ગરમ રહે છે.

કેવી રીતે પહોચવું :-

માઉંટઆબુ પહોચવા માટે તેમ ત્રણ રસ્તા – રોડ, રેલ્વે અને વિમાન માર્ગનો ઉપયોગ કરી શકો છો.

વિમાન માર્ગ :-

માઉંટઆબુની નજીકનું વિમાનઘર ઉદયપુર છે. જે માઉંટઆબુથી 177 કી.મી.ના અંતરે આવેલું છે. ઉદયપુરથી માઉંટઆબુનું મુસાફરી 3 કલાકમાં પૂરી થાય છે.

રોડ રસ્તો :-

માઉંટઆબુ દેશના મુખ્ય હાઈવે સાથે જોડાયેલો છે અને આ સ્થળ સરળતાથી પહોચી શકાય છે.

રેલ્વે રસ્તો :-

અહિયાંનું નજીકનું રેલ્વે સ્ટેશન આબુ રોડ છે, જે માઉંટઆબુથી ૨૮ કી.મી.ના અંતરે આવેલું છે.

આ માહિતી ન્યુઝ ટ્રેન્ડ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.