પેટમાં કીડા હોવાના લક્ષણ અને ઉપચાર માટે સરળ ઘરેલુ નુશખા.

ઘણી વખત અચાનક આપણેને પેટમાં ખુબ દુ:ખાવો થાય છે અને ડોકટર પાસે તપાસ કરાવ્યા પછી ખબર પડે છે કે પેટમાં જીવાત છે. આ સમસ્યા નાના બાળકોમાં વધુ થાય છે. પેટમાં જીવાત પડવાથી પાચન ક્રિયા નબળી થવા લાગે છે. સમયસર જો તેનો ઉપચાર કે ઉપાય ન થાય તો તે જીવાત ધીમે ધીમે ફેફસાં સુધી પહોચી જાય છે, જેને કારણે અસ્થમા થવાનું જોખમ રહે છે. આ લેખમાં અમે જણાવીશું કે પેટમાં જીવાતનો ઈલાજ ઘરેલું નુસખાથી કેવી રીતે કરવો.

જો નાના બાળકનો શારીરિક વિકાસ ઓછો થઇ જાય અને પેટમાં દુ:ખાવાની ફરિયાદ વારંવાર થાય તો હોઈ શકે છે કે બાળકના પેટમાં જીવાત હોય અને તમે બાળકને નહિ પણ જીવાતને ખાવાનું ખવરાવી રહ્યા છો. તે જીવાત પરોપજીવી હોય છે અને આપણા આંતરડામાં રહે છે.

પેટમાં જીવાત પડવાના કારણ :

મોટા અને બાળકોના પેટમાં જીવાત પડવાના કારણ ઘણા બધા હોઈ શકે છે, જેમ કે સંક્રમિત પાણી પીવું કે પછી ઓછું પાકેલું ભોજન ખાવું. સાફ સફાઈનું ધ્યાન ન રાખવાથી પણ જીવાત આતરડામાં ફેલાવા લાગે છે.

પેટમાં જીવાત થવાના ચિન્હ :

પેટમાં દુ:ખાવો થવો

વજન ઓછું થવું.

આંખો લાલ થવી

જીભ સફેદ થવી

મોઢા માંથી દુર્ગંધ આવવી

ગાલમાં ધબ્બા પડવા

શરીર ઉપર સોજો આવવો

ગુપ્તાંગ ઉપર ખંજવાળ આવવી

જીવ ગભરાવો અને ઉલટી આવવી

મળ ત્યાગ કરતી વખતે લોહી આવવું

નરમ મળ આવવું કે ઝાડા થવા

જો રાત્રે સુતા સમયે બાળક પોતાના દાંત કચડે તો તેના પેટમાં જીવાત હોઇ શકે છે.

ઘરેલું ઉપાય :

બે થી ત્રણ ચમચી દ્રાક્ષનો રસ રોજ પીવો.

સવાર સાંજ શુદ્ધ મધ દહીંમાં ભેળવીને ચારથી પાંચ દિવસ સુધી ખાવ.

એક ચમચી કારેલાનો રસ ૧ ગ્લાસ હુફાળા પાણીમાં ભેળવીને સેવન કરો.

લસણ વાટીને સિંધાલુ મીઠું ભેળવો અને તેની ચટણી બનાવી લો. આ ચટણીને દિવસમાં ૨ વખત ચાટવાથી આરામ મળે છે.

પટની જીવાતનો ઈલાજ કરવા માટે ૧/૨ ચમચી હળદર લો અને તાવડી ઉપર તેને શેકી લો. હવે સુતા પહેલા તેને પાણી સાથે લઇ લો.

લસ્સીમાં વાટેલા કાળા મરી અને કાળું મીઠું ભેળવીને પીવો. આ નુસખાને ચારથી પાંચ દિવસ ઉપયોગ કરવાથી પેટની જીવાતનો નાશ થઇ જશે.

કૃમિ રોગનો ઈલાજ કરવા માટે સવારે ખાલી પેટ ગાજર ખાવ. ગાજર ખાવાથી ન માત્ર જીવાતનો નાશ થાય છે, પરંતુ તે ફરી વખત થતી નથી.

મૂળાના રસનું સેવન કરવાથી પેટની જીવાત મરી જાય છે અને મળના રસ્તે બહાર નીકળી જાય છે. આ દેશી નુસખાને ત્રણ દિવસ સુધી સતત કરો.

નાના બાળકોના પેટમાં જીવાતની સમસ્યા હોય તો ૧/૨ ચમચી ડુંગળીનો રસ પિવરાવો. આ ઘરેલુ દવા દીવસમાં બેથી ત્રણ વખત સેવન કરવાથી પેટની જીવાત દુર થઇ જાય છે.

આયુર્વેદિક નુસખા :

એક અઠવાડિયા સુધી દરરોજ કોળાના આઠથી દસ બીજ ખાવ.

ટમેટા કાપી લો અને તેની ઉપર સિંધાલુ મીઠું, થોડી હળદર નાખીને ખાવ. દરરોજ સવારે આ ઉપાય કરવાથી ફાયદો મળે છે.

થોડું કાળું મીઠું ૧/૨ ગ્રામ અજમાંના ચૂર્ણમાં ભેળવીને હળવા ગરમ પાણી સાથે રાત્રે સુતા પહેલા લેવાથી બાળકના પેટની જીવાતનો નાશ થઇ જાય છે.

બે થી ત્રણ દિવસ સુધી ૧/૨ ચમચી આંબળાનો રસ પીવાથી પણ પેટની જીવાત માંથી છુટકારો મળે છે.

એક ચમચી મધ, કાચું પપૈયાનું દૂધ ચાર ચમચી અને ચાર ચમચી ઉકાળેલું પાણી ભેળવીને સેવન કરો. આ દેશી નુસખા એન્ટીઓક્સીડેંટનું કામ કરે છે.

લીમડાના પાંદડાને સુકવીને તેને વાટી લો અને પાવડર બનાવી લો. હવે બે ચમચી પાવડર મધ સાથે ભેળવીને ચાટી લો. આ આયુર્વેદિક દવાથી પેટની જીવતનો નાશ થઇને મળ દ્વારા પેટ માંથી બહાર નીકળી જાય છે.

અટકાવવાના ઉપાય :

પેટમાં જીવાત પડવાથી બચવાની સૌથી સારી રીત છે. સાફ સફાઈનું ધ્યાન રાખો. કાંઈ પણ ખાવા અને પીતા પહેલા તમારા હાથ ધુવો, ખાવાની વસ્તુ હંમેશા ઢાંકીને રાખો અને રોડને કાંઠે મળતા ફાસ્ટ ફૂડ, કાપેલા ફળ ખાવાથી દુર રહો.

તમારા નખ નાના રાખો.

શાકભાજી બનાવતા પહેલા તેને સારી રીતે ધોઈ લો.

ઘરમાં પાળેલા જાનવર હોય તો તેને સાફ રાખો.

વધુ ગળ્યું, ચોકલેટ અને કેક ખાવાથી દુર રહો.

કપડા અને ટુવાલનો ઉપયોગ કરતા પહેલા એને સાફ કરો.

આ માહિતી જીનાસીખો અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી અનુવાદ કરી લીધેલ છે.