રશિયાની સુંદરી અને હિમાચલી ગબરુ છોકરાએ પ્રેમ માટે તોડ્યા લોકડાઉનના નિયમો, જાણો શું બની આખી ઘટના.

હિમાચલી છોકરો અને તેની રશિયન પ્રેમિકા માટે કોરોના અડચણ બન્યો, તેમની લવ સ્ટોરીમાં આવ્યો આવો ટવીસ્ટ

જિતેન્દ્ર અને લીડિયા કહે છે કે તેઓ માને છે કે ભૂલ તો થઈ છે, પરંતુ વાત તો સાંભળવી જોઈએ ને. તેની સામે કેસ નોંધવામાં આવ્યો છે. તે ક્વોરેંટાઇન્ડ થવા માટે પણ તૈયાર હતા.

સિમલા. કોઈએ ઘણું સરસ કહ્યું છે, આ પ્રેમ સરળ નથી, એક આગનો દરિયો છે અને ડૂબવું પડશે. કાંઈક એવું જ થયું, કુલ્લુના આઉટર સરાજના નીથર ક્ષેત્રના દુરાહ ગામના રહેવાસી જીતેન્દ્ર અને રુશની રહેવાસી લિડિયા વોલ્ફે સાથે. પ્રેમી સાથેનો પ્રેમ લક્ષ્ય સુધી પહોંચવાનો હતો, પરંતુ તે દરમિયાન એક ભૂલ થઈ ગઈ અને પ્રેમની રાહમાં ઉભેલી કોરોનો અને આપણી સિસ્ટમ વિલન બનીને રસ્તો બંધ કરી દીધો.

પહેલા આ લવ સ્ટોરી વિશે જણાવીએ છીએ. જીતેન્દ્ર કુલ્લુના કસોલમાં એક કેફે ચલાવે છે. લિડિયા એક કલાકાર છે. પેઇન્ટિંગ્સ બનાવે છે. કેટલાક વર્ષોથી ભારતમાં છે અને દિલ્હી એનસીઆરમાં કામ કરે છે. લિડિયા 2 વર્ષ પહેલા જિતેન્દ્રના કાફે આવી હતી. લિડીયાને જોતાં જ જીતેન્દ્રને તેની સાથે પ્રેમ થઇ ગયો. વાતો અને મીટિંગ પછી બંનેનો પ્રેમ વધ્યો. પછી લગ્ન કરવાનું નક્કી કર્યું. લીડિયા જીતેન્દ્ર કરતા 9 વર્ષ મોટી છે. જીતેન્દ્રની ઉંમર 24 વર્ષ અને લિડિયા 35 વર્ષની છે.

પરિવારના સભ્યોને લગ્ન માટે કર્યા રાજી

બંનેએ તેમના પરિવારના સભ્યોને સમજાવ્યા અને લગ્ન કરવાનો નિર્ણય કર્યો. પરંતુ તે દરમિયાન જીતેન્દ્રના પિતાનું થોડા સમય પહેલા અવસાન થયું તો તેના લગ્ન મોકૂફ રાખવામાં આવ્યા હતા. જાન્યુઆરીથી બંને નોઇડામાં રહેતા હતા. હવે આવતા મહિને લગ્નની યોજના હતી, તેથી પાછા પોતાના ગામ આવવું હતું. મહત્વના કાગળો તૈયાર કરાવી લીધા હતા. લિડિયાએ પણ રુષની સરકારના દુતાવાસ દ્વારા લગ્નની મંજૂરી પણ લઇ લીધી હતી.

હવે કહાનીમાં ટ્વિસ્ટ આવ્યું. કોરોનાએ આખી દુનિયાને પોતાની ઝપટમાં લીધો. આ દરમિયાન બંનેએ પોતાની કહાનીમાં ‘આગ દરીયા’ પોતે જ પસંદ કર્યું. જીતેન્દ્રએ ન્યૂઝ -18 ને જણાવ્યું હતું કે તેમણે પોતાના ગામ પાછા આવવા માટે ભવાની ટ્રાન્સપોર્ટ કંપનીનો સંપર્ક કર્યો.

ઓ ઇચ્છતા હતા કે નોઈડાના ડીએમ પાસેથી મૂવમેન્ટ પાસ લઈને જાય, પરંતુ વાહનચાલકે કહ્યું કે તેની કાર દવાઓ લઇને જાય છે, પાસની જરૂર નથી. કોઈ રોકશે નહીં. નોઇડામાં મકાન ભાડે લીધું હતું. તેને છોડીને કારમાં જરૂરી સામાન ભરીને 5 મેની સાંજે નોઈડાથી નીકળી ગયા. વાહન વાળા સાથે ભાડુ 16 હજાર રૂપિયા નક્કી કર્યું હતું.

ઘણી સરહદો પાર કરી પરંતુ સિમલામાં પકડાઈ ગયા

દિલ્હી, હરિયાણા, પંજાબ અને ચંદીગઢમાં તેમને કોઈએ રોક્યા ન હતા. હિમાચલના પરવાણું બોર્ડર ઉપર પણ કોઈએ અટકાવ્યા નહીં. પરંતુ 7 મેના રોજ સવારે 4-5 વાગ્યે જ્યારે શિમલા જિલ્લાના શોધી સરહદ પહોચ્યા ત્યારે પોલીસે તેમને અટકાવી દીધા.

જીતેન્દ્રએ સ્વીકાર્યું કે ભૂલ થઇ

જીતેન્દ્રનું માનવું છે કે તેણે ભૂલ કરી છે. તે ગુનો થઇ ગયો હતો કે તે કોઈની મંજુરી વગર આવ્યો હતો. પણ જીતેન્દ્ર એમ પણ કહે છે કે તે કાર વાળાની વાતોમાં આવીને ફસાઈ ગયો. શોગી બેરિયર ઉપર પોલીસ સમક્ષ પોતાની કહાની કહેવા માંગતો હતો પરંતુ તેની વાત એક વાર પણ સાંભળવામાં આવી ન હતી.

તે નોએડાથી એવું વિચારીને નીકળ્યા હતા કે, જો તેને કવારંટાઈન રાખવાનું કહેવામાં આવે, તો તે તેના માટે તૈયાર હતા, પરંતુ પોલીસે તેમની એક વાત સાંભળી નહીં. બંને એક સાથે હતા, પરંતુ પોલીસે પસંદ કરેલા કવારંટાઈન સેન્ટરમાં બંનેને અલગ કરી દીધા. એકને એમ્બ્યુલન્સ લઇને આમ તેમ ભટકાવતા રહ્યા તો બીજાને ક્વોરેન્ટાઇન સેન્ટરમાં મોકલવામાં આવ્યા.

ક્વોરેન્ટાઇન સેન્ટરની સ્થિતિ ખૂબ નબળી

સાંજ સુધી વહીવટી તંત્ર અને પોલીસે બંનેને અલગ રાખ્યા. જીતેન્દ્ર લિડિયાને વીડિયો કોલ કરતો હતો પરંતુ તે અંગે વાત ન થઇ શકી. સાંજ થતા થતા જ ન જાણે વહીવટી તંત્ર ને શું સુજ્યું અને નક્કી થયું કે તેઓને પાછા નોઈડા મોકલવામાં આવે. જીતેન્દ્ર કહે છે કે ક્વોરેન્ટાઇન સેન્ટરની હાલત ખૂબ જ ખરાબ છે, કોઈ સુવિધા નથી.

ત્યાં સામાન્ય વોશરૂમ અને શૌચાલયો છે. સારો એવો માણસ પણ ત્યાં બીમાર થઈ શકે છે. ઠીક છે, જ્યારે તેમને પાછા મોકલવાની કાગળની કાર્યવાહી તૈયાર કરવામાં આવી રહી હતી, ત્યારે તેમને કેટલાક કાગળ ઉપર સહી કરવા કહેવામાં આવ્યું. આ બધા કાગળો હિન્દીમાં લખાયેલા હતા.

આવું કહ્યું લિડિયાએ

લીડિયાએ કહ્યું કે તે હિન્દી વાંચી શકતી નથી, તો તેને અંગ્રેજી ભાષામાં લખેલા કાગળો બતાવવા જોઈએ, જેથી તે વાંચ્યા પછી સહી કરી શકે, પરંતુ તેમ કરવામાં આવ્યું ન હતું. તેની પાસે બળજબરીથી હસ્તાક્ષર કરવામાં આવ્યા હતા નોઈડા પાછા મોકલવાનો ખર્ચ જીતેન્દ્રના પરિવારના સભ્યોએ ઉઠાવ્યો.

સિમલાના એસપી ઓમાપતિ જામ્બાલ અને ડીસી શીમલા અમિત કશ્યપનું કહેવું છે કે નિયમો હેઠળ કાર્યવાહી કરવામાં આવી છે, પરંતુ ડીસીએ એ જણાવ્યું ન હતું કે ડિઝાસ્ટર મેનેજમેન્ટ એક્ટની કઇ કલમ હેઠળ તે આ નિયમ છે કે જે જ્યાંથી આવ્યા છે ત્યાં તેને પાછા મોકલવામાં આવે. કારણ કે નિયમ તો ઘર અથવા સંસ્થાકીય કવારંટાઈનનો છે.

કેસ નોંધ્યો

જીતેન્દ્ર અને લીડિયા કહે છે કે તેઓ માને છે કે કોઈ ભૂલ થઈ ગઈ છે, પરંતુ વાત તો સાંભળવી જોઈએ ને. તેની સામે કેસ નોંધવામાં આવ્યો છે. તે ક્વોરેંટાઇન થવા માટે તૈયાર પણ તૈયાર હતો. આખો દિવસ હેરાન કરવામાં આવ્યા. આ બંનેએ નોએડાથી આવવાનું નક્કી પણ મરચામાં જ કર્યું હતું. મકાન માલિકને પૈસા પણ આપી દીધા હતા. હવે પાછા તે જ સ્થળે મોકલી આપવામાં આવ્યા. ખિસ્સામાં વધુ પૈસા પણ રહ્યા ન હતા.

આ માહિતી ન્યુઝ 18 અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.