બીજા લગ્નમાં મતભેદ થયા પછી પહેલી વખત 3 વર્ષના દીકરા સાથે આવી મસ્તી કરતી દેખાઈ શ્વેતા તિવારી

માતા બનવું દુનિયાની સૌથી અઘરી જોબ હોય છે. પોતાના લાડકા દીકરા કે દીકરીની જરૂરિયાતો સમજવા અને તેનું સારી રીતે ધ્યાન રાખવા માટે તેની ઉપર ૨૪ કલાક નજર રાખવી પડે છે. તેવામાં જો તમે એક સિંગલ અને વર્કિંગ મમ્મી હો તો આ કામ વધુ અઘરું થઇ જાય છે. તેવામાં થોડી એવી ઘટના પ્રસિદ્ધ ટીવી હિરોઈન શ્વેતા તિવારી સાથે પણ થઈ છે.

વર્તમાનમાં તે બે બાળકોની સિંગલ અને વર્કિંગ મમ્મી છે. શ્વેતા છેલ્લા થોડા વર્ષોથી નાના પડદા ઉપરથી ગુમ હતી પરંતુ હવે ટૂંક સમયમાં જ તે સોની ટીવી ઉપર ‘મેરે ડેડ કી દુલ્હન’ નામના શો માં આવી રહી છે. શ્વેતા હાલના દિવસોમાં આ શો ના શુટિંગમાં વ્યસ્ત છે. તેની સાથે જ તે પોતાના 3 વર્ષના દીકરા રીયાંશનું ધ્યાન રાખવામાં પણ પાછી નથી પડતી.

હાલમાં જ શ્વેતા પોતાના દીકરાને ‘મેરે ડેડ કી દુલ્હન’ શો ના સેટ ઉપર લઇ ગઈ હતી. જ્યાં બંને માં દીકરાએ મળીને ઘણી મસ્તી કરી. તે બંને હીંચકા ઝુલતા પણ જોવા મળ્યા. શ્વેતાએ તે ફોટાને સોશિયલ મીડિયા ઉપર પણ શેયર કર્યા છે. એ ફોટા વિષે તેમણે લખ્યું, ‘મેરે ડેડ કી દુલ્હન’ ના સેટ ઉપર નાના યાત્રી સાથે.

શ્વેતા તિવારીએ સૌથી પહેલા રાજા ચોધરી સાથે લગ્ન કર્યા હતા. આમ તો બંનેના છૂટાછેડા થઇ ગયા હતા. શ્વેતાનો આરોપ હતો કે, રાજા તેની સાથે મારઝૂડ કરતો હતો. તેની સાથે થોડા વર્ષો રહ્યા પછી શ્વેતાએ પોતાના એક નવા જીવનસાથી તરીકે અભિનવ કોહલીને પસંદ કર્યો. બંનેએ વર્ષ ૨૦૧૩માં લગ્ન કર્યા. ત્યાર પછી વર્ષ ૨૦૧૬માં તેમણે દીકરા રીયાંશને જન્મ આપ્યો હતો.

આમ તો થોડા મહિના પહેલા શ્વેતાના આ બીજા લગ્ન તૂટી ગયા છે. એ પછી પહેલી વખત પોતાના 3 વર્ષના દીકરા સાથે તે આવી મસ્તી કરતા જોવા મળી. ખાસ કરીને શ્વેતાએ પોતાના બીજા પતિ અભિનવ વિરુદ્ધ ફરિયાદ કરતા આરોપ લગાવ્યો હતો કે, તેના પતિએ તેની દીકરી પલક તિવારી સાથે મારઝૂડ કરી છે. પાછળથી પલકે પણ પોતે એ વાત જણાવી હતી કે, હું ઘરની હિંસાનો ભોગ બની છું. આમ તો તેણે સ્પષ્ટતા કરી હતી કે, તે હિંસા તેની માતા શ્વેતા તિવારી સાથે થઇ ન હતી. પલક શ્વેતા અને રાજા ચોધરીની દીકરી છે. એટલે અભિનવ કોહલી પલકના સાવકા પિતા છે.

શ્વેતાના બીજા લગ્ન પણ તૂટવાના સમાચાર સાંભળીને તેના ફેન ઘણા દુઃખી થઇ ગયા હતા. આમ તો હવે શ્વેતાએ પોતાના અંગત જીવનને બાજુ ઉપર રાખી ફરીથી ગાડી પાટા ઉપર લાવવાની તૈયારી કરી લીધી છે. તે ‘મેરે ડેડ કી દુલ્હન’ જેવા મોટા શો થી એક વખત ફરી દર્શકોનું દિલ જીતવા આવી રહી છે. અમને આશા છે કે, શ્વેતાને આ શો દ્વારા એક વખત ફરી સફળતા મળે.

આવી રીતે તેની કારકિર્દી ફરીથી ચાલવા લાગશે. જો કે તે તેના બંને બાળકો માટે પણ સારું રહેશે. આમ તો શ્વેતાની દીકરી પલક પણ ઘણી મોટી થઇ ગઈ છે અને ટૂંક સમયમાં જ ટીવી કે ફિલ્મમાં એન્ટ્રી કરી શકે છે. આમ તો જોવાનું એ રહેશે કે, શું પલક પણ પોતાની મમ્મી શ્વેતાની જેમ પોપુલર બની શકશે કે નહિ.

આ માહિતી ન્યુઝ ટ્રેન્ડ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.